Цивил ќе одржи прес конференција во 20 часот, во кафулето „Мистер Џек“, на која ќе ги соопшти прелиминарните согледувања од изборниот ден во Република Македонија.
Во меѓувреме, до Цивил стигнуваат дојави за помали инциденти, притисоци и други нерегуларности на секои три до четири минути од целата земја.
Засега, имаме информација за само еден инцидент кој вклучува оружена закана. Едно вооружено лице (неуниформирано) во Куманово, се заканувало со оружје и агитирало за одредена политичка партија.
Sunday, June 5, 2011
ДОПОЛНУВАЊЕ ВО 12:02 ЧАСОТ
Време на дојава: 11.22 часот
Арачиново
Тимот на Цивил во Арачиново јавува за вербални препирки меѓу селаните во изборното место 2334 во општината, при што имало и полициска интервенција. Моменталната ситуација е мирна.
СООПШТЕНИЕ НА ЦИВИЛ ВО 12 ЧАСОТ
ИЗБОРИ БЕЗ НАСИЛСТВО 2011
Скопје, 05 јуни 2011
Време на дојава: 10.15 часот
Шуто Оризари – Скопје
Набљудувачите на Цивил во Шуто Оризари јавуваат дека, претседателот на една партија, бил нападнат од 40-тина активисти друга партија, синоќа околу 1.30ч. по полноќ. Според портпаролот на таа партија, тој се здобил со физички повреди на окото и бил хоспитализиран во градска болница, по што е пуштен дома.
Време на дојава: 10.50 часот
Кичево
Тимот на Цивил од Кичево јави дека во близина на изборното 0734 присутни се активисти на една партија со што вршат влијание врз гласачите. На ова се пожалил член на избирачкото место 0734.
Време на дојава: 10.55 часот
Чашка
Според анонимна дојава до Мобилниот тим на Цивил, секретарот на една партија во општина Чашка добил закани од активисти на друга партија дека „ќе биде искршен сосе избирачките кутии“.
Исто така, забележано е дека градоначалникот врши притисок граѓаните да не излезат на гласање.
Овие две информации не се потврдени од тимот на Цивил.
ЦИВИЛ НА ДЕНОТ НА ГЛАСАЊЕ
Цивил – Центар за слобода ги информира сите граѓани дека во текот на изборниот ден (05 јуни) ќе објави соопштенија за јавност за текот на гласањето од аспект на избори без насилство во 12:00 часот и 17:00 часот, а прелиминарна изјава ќе даде на прес-конференција во 20:00 часот во кафулето “Мистер Џек“.
Цивил, во текот на изборниот ден, ќе биде присутен на целата територија на Република Македонија, а за пријавување, добивање или давање на информации поврзани со текот на изборите ќе биде достапен 24 часа на дежурните телефони на Мобилниот тим – 075 329070, 075 846211 и 075 742113.
Илир Ајдини, PR Менаџер
075/742445
Ирена Спирковска, PR Асистент
075/742656
ГРАЃАНИТЕ САКААТ ИЗБОРИ БЕЗ НАСИЛСТВО
Цивил – Центар за слобода им се заблагодарува на сите граѓани кои со потпишувањето на петицијата за ненасилни избори изразија безрезервна поддршка за одржување на Избори без насилство 2011.
Се надеваме дека искажаниот интерес на граѓаните да ја потпишат оваа петиција им праќа порака на директните учесници во изборите дека очекуваме мирно и цивилизирано гласање, без насилство, употреба на оружје и каков било вид на притисок во текот на изборниот ден.
Saturday, June 4, 2011
Friday, June 3, 2011
НАСИЛСТВОТО ЈА УБИВА ДЕМОКРАТИЈАТА
Цивил – Центар за слобода уште еднаш апелира за мирни и ненасилни избори. Бараме од партиите да се воздржат од секаков вид насилство, закани, заплашување и уцени.
Само со ненасилни, фер и демократски избори може да се добие легитимна власт и никако поинаку.
Ја потсетуваме Владата и сите нејзини институции дека тие се најодговорни за спроведување ненасилни, фер и демократски избори.
Потсетуваме и апелираме до граѓаните дека изборите се празник на демократијата и дека никој не смее да им го загрози тоа право во ниедна смисла на зборот“ – изјави Џабир М. Дерала, Претседател на Цивил – Центар за слобода. Насилството ја убива демократијата и го сопира развојот.
Канцеларијата на Цивил – Центар за слобода ќе биде отворена за новинарите цел ден в недела до доцните вечерни часови. Тие, како и секогаш досега ќе можат да побараат информација или изјава во секое време од денот и ноќта.
Прес конференција со прелиминарни податоци и коментари за квалитетот на изборниот процес ќе одржиме во 20 часот на терасата на кафулето Мистер Џек.
Thursday, June 2, 2011
PRESS RELEASE, June 3, 2011
СТАНИ за избори без насилство
Петок и сабота, 3 и 4 јуни, од 10.30 до 18 часот, Плоштад Македонија, штанд на Цивил: на штандот на Цивил ќе се потпишува петиција за избори без насилство, ќе се делат беџеви и картички со пораки, ќе се слуша музика, ќе се црта и пишува, ќе се шири позитивна енергија
Цивил – Центар за слобода во петок и сабота (03 и 04 јуни) ќе отвори штанд на Градскиот плоштад во Скопје, каде што граѓаните ќе можат да го изразат нивното барање за мирни, демократски и цивилизирани избори.
На штандот на Цивил заинтересираните ќе можат да ј пополнат онлајн петицијата во поддршка на проектот „Избори без насилство 2011“ и да се запознаат подетално за активностите кои се преземени во рамките на овој проект.
Цивил – Центар за слобода ги потсетува граѓаните дека го имаат на 24-часовно располагање телефонскиот број – 075 846 211 – за пријавување на појави на изборно насилство.
Peticioni për zgjedhje pa dhunë në Sheshin e Shkupit
Civil – Qendra për Liri gjatë ditës së premte dhe të shtunë (03 dhe 04 qershor) do të hapë stendë në Sheshin e Shkupit, ku qytetarët do të mund të shprehin kërkesën e tyre për zgjedhje të qeta, demokratike dhe qytetëruese.
Në stendën e Civilit të interesuarit do të mund të plotësojnë on-line peticioninin në përkrahje të projektit “Zgjedhje pa dhunë 2011” dhe të njoftohen më hollësisht për aktivitetet e ndërmarra në kuadër të këtij projekti.
Civil – Qendra për Liri i përkujton qytetarët se e kanë në dispozicion numrin telefonikm 24-orësh – 075 846 211 - për paraqitjen e dukurive të dhunës zgjedhore.
stand for violence free elections
Friday and Saturday, June 3 and 4, 10:30am-6pm, Square Macedonia, Skopje, Civil’s stand: citizens will sign petition for violence-free elections, activists will hand message cards and badges, music will be played, positive energy will be spread at the stand of Civil these two days.
T: 075 846 211 (24/7)
Subscribe to:
Posts (Atom)